ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਕ੍ਰਿਕੇਟਰ ਹਰਭਜਨ ਸਿੰਘ ਨੂੰ ਆਇਆ ਗੁੱਸਾ, ਚੋਣ ਕਮੇਟੀ ’ਤੇ ਚੁੱਕੇ ਸਵਾਲ

ਸ੍ਰੀਲੰਕਾ ਖਿਲਾਫ ਖੇਡੀ ਜਾਣ ਵਾਲੀ ਤਿੰਨ ਮੈਚਾਂ ਦੀ ਟੀ-20 ਸੀਰੀਜ਼ ਲਈ ਭਾਰਤੀ ਟੀਮ ਦੇ ਐਲਾਨ ਤੋਂ ਬਾਅਦ ਹਰਭਜਨ ਸਿੰਘ ਨੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਦੀ ਸੀਨੀਅਰ ਚੋਣ ਕਮੇਟੀ ‘ਤੇ ਸਵਾਲ ਚੁੱਕੇ ਹਨ। ਹਰਭਜਨ ਨੇ ਚੋਣਕਰਤਾਵਾਂ ਦੀ ਮੁੰਬਈ ਦੇ ਸੂਰਜਕੁਮਾਰ ਯਾਦਵ ਨੂੰ ਨਾ ਚੁਣਨ ਦੀ ਆਲੋਚਨਾ ਕੀਤੀ ਹੈ।

 

ਮੁੰਬਈ ਲਈ ਘਰੇਲੂ ਕ੍ਰਿਕਟ ਖੇਡਣ ਵਾਲੇ ਸੂਰਯਕੁਮਾਰ ਨੂੰ ਦੋ ਟੂਰ ਮੈਚਾਂ ਅਤੇ ਨਿਊਜ਼ੀਲੈਂਡ ਖ਼ਿਲਾਫ਼ ਤਿੰਨ ਵਨਡੇ ਸੀਰੀਜ਼ ਲਈ ਭਾਰਤ-ਏ ਟੀਮ ਚ ਥਾਂ ਮਿਲੀ ਪਰ ਰਾਸ਼ਟਰੀ ਟੀਮ ਵਿਚ ਉਨ੍ਹਾਂ ਦਾ ਨਾਂ ਨਾ ਹੋਣ ਤੋਂ ਹਰਭਜਨ ਭੜਕ ਗਏ।

 

ਸੂਰਯਕੁਮਾਰ ਨੇ 73 ਪਹਿਲੇ ਦਰਜੇ ਦੇ ਮੈਚਾਂ ਚ 4920 ਦੌੜਾਂ ਬਣਾਈਆਂ ਹਨ। 29 ਸਾਲ ਦੇ ਇਸ ਖਿਡਾਰੀ ਦੀ ਔਸਤ 43.53 ਹੈ, ਜਿਸ ਚ 13 ਸੈਂਕੜੇ ਅਤੇ 24 ਅਰਧ ਸੈਂਕੜੇ ਸ਼ਾਮਲ ਹਨ। ਟੀ-20 ਵਿੱਚ ਉਸਨੇ 149 ਮੈਚਾਂ ਚ 31.37 ਦੀ ਔਸਤ ਨਾਲ 3,012 ਦੌੜਾਂ ਬਣਾਈਆਂ ਹਨ।

 

ਹਾਲ ਹੀ ਚ ਉਸਨੇ ਰਣਜੀ ਟਰਾਫੀ ਵਿੱਚ ਵਡੋਦਰਾ ਦੇ ਖਿਲਾਫ ਮੁੰਬਈ ਦੀ 309 ਦੌੜਾਂ ਦੀ ਜਿੱਤ ਚ ਅਜੇਤੂ 102 ਦੌੜਾਂ ਦੀ ਜਿੱਤ ਵਿੱਚ ਅਹਿਮ ਭੂਮਿਕਾ ਨਿਭਾਈ। ਉਸਨੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਵਿੱਚ 85 ਮੈਚ ਖੇਡੇ ਹਨ ਅਤੇ ਸੱਤ ਅਰਧ ਸੈਂਕੜਿਆਂ ਦੀ ਮਦਦ ਨਾਲ 1548 ਦੌੜਾਂ ਬਣਾਈਆਂ ਹਨ।

 

ਹਰਭਜਨ ਨੇ ਮੰਗਲਵਾਰ ਨੂੰ ਟਵੀਟ ਕੀਤਾ, "ਮੈਂ ਹੈਰਾਨ ਹਾਂ ਕਿ ਸੂਰਯਕੁਮਾਰ ਨੇ ਕੀ ਗਲਤ ਕੀਤਾ ਹੈ?" ਭਾਰਤੀ ਟੀਮ, ਇੰਡੀਆ-ਏ, ਇੰਡੀਆ-ਬੀ ਵਿੱਚ ਚੁਣੇ ਗਏ ਬਾਕੀ ਖਿਡਾਰੀਆਂ ਦੀ ਤਰ੍ਹਾਂ ਉਨ੍ਹਾਂ ਨੇ ਵੀ ਦੌੜਾਂ ਬਣਾਈਆਂ ਹਨ ਤਾਂ ਫਿਰ ਉਨ੍ਹਾਂ ਨਾਲ ਵੱਖਰਾ ਵਿਹਾਰ ਕਿਉਂ ਕੀਤਾ ਜਾ ਰਿਹਾ ਹੈ?

 

ਮੁੰਬਈ ਦੇ ਬੱਲੇਬਾਜ਼ ਸੂਰਯਕੁਮਾਰ ਯਾਦਵ ਨੇ ਇਸ ਸਾਲ ਸਾਰੇ ਛੋਟੇ ਫਾਰਮੈਟਾਂ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਉਨ੍ਹਾਂ ਮੰਨਿਆ ਕਿ ਉਹ ਸੀਨੀਅਰ ਰਾਸ਼ਟਰੀ ਟੀਮ ਚ ਆਪਣੀ ਥਾਂ ਬਣਾਉਣ ਦੀ ਪ੍ਰੇਰਣਾ ਨਾਲ ਖੇਡਣਾ ਜਾਰੀ ਰੱਖਿਆ ਪਰ ਕਈ ਵਾਰ ਮੌਜੂਦਾ ਸਮੇਂ ਚ ਰਹਿਣਾ ਮੁਸ਼ਕਲ ਹੁੰਦਾ ਸੀ। ਸੂਰਯਕੁਮਾਰ ਨੂੰ ਸੱਤ ਸਾਲਾਂ ਬਾਅਦ ਇੰਡੀਆ ਏ ਟੀਮ ਵਿੱਚ ਨਿਊਜ਼ੀਲੈਂਡ ਦੇ ਆਉਣ ਵਾਲੇ ਦੌਰੇ ਲਈ ਚੁਣਿਆ ਗਿਆ ਹੈ। ਇਹ 29 ਸਾਲਾ ਖਿਡਾਰੀ ਮੁੰਬਈ ਰਣਜੀ ਟੀਮ ਦਾ ਕਪਤਾਨ ਵੀ ਹੈ।

 

ਉਸਨੇ ਕਿਹਾ, “ਹਾਂ, ਮੇਰਾ ਟੀਚਾ ਭਾਰਤ ਲਈ ਖੇਡਣਾ ਸੀ। ਪਰ ਉਸੇ ਸਮੇਂ ਤੁਹਾਨੂੰ ਵਰਤਮਾਨ ਸਥਿਤੀਆਂ ਨੂੰ ਸਵੀਕਾਰ ਕਰਨਾ ਹੁੰਦਾ ਹੈ। ਤੁਹਾਨੂੰ ਆਪਣੀ ਪ੍ਰਕਿਰਿਆ ਦਾ ਪਾਲਣ ਕਰਨਾ ਪਏਗਾ। ਜੇ ਤੁਸੀਂ ਛੋਟੀਆਂ ਚੀਜ਼ਾਂ ਵੱਲ ਧਿਆਨ ਦਿੰਦੇ ਹੋ ਤਾਂ ਤੁਸੀਂ (ਰਾਸ਼ਟਰੀ ਟੀਮ ਵਿੱਚ ਚੋਣ) ਆਪਣੇ ਆਪ ਹੀ ਚੁਣੇ ਜਾਉਗੇ। ਮੈਂ ਹਾਲ ਹੀ ਵਿਚ ਅਜਿਹਾ ਕੀਤਾ।''

 

ਸੂਰਿਆਕੁਮਾਰ ਤੋਂ ਪੁੱਛਿਆ ਗਿਆ ਕਿ ਮੌਜੂਦਾ ਹਾਲਾਤਾਂ ਨੂੰ ਸਵੀਕਾਰ ਕਰਨਾ ਕਿੰਨਾ ਮੁਸ਼ਕਲ ਹੈ, ਉਸਨੇ ਕਿਹਾ, “ਇਹ ਥੋੜਾ ਮੁਸ਼ਕਲ ਹੈ ਕਿਉਂਕਿ ਮੈਂ ਸੋਚਦਾ ਰਹਿੰਦਾ ਹਾਂ ਕਿ ਮੈਨੂੰ ਭਾਰਤ ਤੋਂ ਖੇਡਣਾ ਹੈ। ਪਰ ਅੰਤ ਚ ਮੈਨੂੰ ਤੁਰੰਤ ਹਾਲਤਾਂ ਨੂੰ ਸਵੀਕਾਰ ਕਰਨਾ ਪਏਗਾ, ਜੇ ਰਾਸ਼ਟਰੀ ਟੀਮ ਚ ਚੋਣ ਹੁੰਦੀ ਹੈ ਤਾਂ ਅਜਿਹਾ ਹੋਵੇਗਾ।

 

 

 

 

 

 

.

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Cricketer Harbhajan Singh gets angry questions raised on selection committee