ਅਗਲੀ ਕਹਾਣੀ

ਇੰਗਲੈਂਡ ਦੌਰੇ ’ਤੇ ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਕਮਾਨ ਰਾਣੀ ਰਾਮਪਾਲ ਦੇ ਹੱਥ

ਸਟਾਰ ਫਾਰਵਰਡ ਰਾਣੀ ਰਾਮਪਾਲ ਨੂੰ ਸ਼ੁੱਕਰਵਾਰ ਨੂੰ 18 ਮੈਂਬਰੀ ਭਾਰਤੀ ਮਹਿਲਾ ਹਾਕੀ ਟੀਮ ਦੀ ਕਪਤਾਨ ਨਿਯੁਕਤ ਕੀਤਾ ਗਿਆ ਹੈ ਜਿਹੜੀ ਕਿ 27 ਸਤੰਬਰ ਤੋਂ ਮਾਰਲੋ ਚ ਸ਼ੁਰੂ ਹੋਣ ਜਾ ਰਹੀ ਪੰਜ ਮੈਚਾਂ ਦੀ ਲੜੀ ਚ ਇੰਗਲੈਂਡ ਨਾਲ ਭਿੜੇਗੀ।

 

ਇਹ ਲੜੀ 27 ਸਤੰਬਰ ਤੋਂ 4 ਅਕਤੂਬਰ ਤੱਕ ਖੇਡੀ ਜਾਵੇਗੀ ਤੇ ਗੋਲਕੀਪਰ ਸਵਿਤਾ ਉਪ ਕਪਤਾਨ ਹੋਵੇਗੀ। ਸਵਿਤਾ ਅਤੇ ਰਜਨੀ ਇਤੀਮਾਰਪੂ ਨੇ ਹਾਲ ਹੀ ਚ ਜਪਾਨ ਚ ਓਲੰਪਿਕ ਟੈਸਟ ਮੁਕਾਬਲੇ ਚ ਟੀਮ ਦੀ ਜਿੱਤ ਤੋਂ ਬਾਅਦ ਟੀਮ ਚ ਆਪਣੀ ਥਾਂ ਬਣਾ ਰੱਖੀ ਹੈ। ਡਿਫੈਂਡਰਸ ਦੀਪ ਗ੍ਰੇਸ ਏਕਾ, ਗੁਰਜੀਤ ਕੌਰ, ਰੀਨਾ ਖੋਖਰ ਅਤੇ ਸਲੀਮਾ ਟੇਟੇ ਵੀ ਟੀਮ ਚ ਹਨ।

 

 

ਹਾਕੀ ਇੰਡੀਆ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਮਿਡਫੀਲਡ ਵਿੱਚ ਮਸ਼ਹੂਰ ਨਮਿਤਾ ਟਾਪਪੋ ਦੀ ਵਾਪਸੀ ਹੋਈ ਹੈ ਜੋ ਸੱਟ ਕਾਰਨ ਬਾਹਰ ਹੋ ਗਈ ਸੀ। ਇੰਡੀਅਨ ਮਿਡਫੀਲਡ ਚ ਮਸ਼ਹੂਰ ਖਿਡਾਰੀ ਸੁਸ਼ੀਲਾ ਚਾਨੂ ਪੁਖਾਰਾਬੰਮ, ਨਿੱਕੀ ਪ੍ਰਧਾਨ, ਮੋਨਿਕਾ, ਨੇਹਾ ਗੋਇਲ ਅਤੇ ਲੀਲੀਮਾ ਮਿੰਜ ਸ਼ਾਮਲ ਹਨ।

 

ਮੁੱਖ ਕੋਚ ਸ਼ੌਰਡ ਮਾਰਿਨ ਨੇ ਕਿਹਾ, ‘ਸਾਡੀ ਟੀਮ ਚ ਖਿਡਾਰੀਆਂ ਦਾ ਸੰਤੁਲਨ ਪਿਛਲੇ ਟੂਰਨਾਮੈਂਟ ਵਾਂਗ ਹੀ ਹੈ ਕਿਉਂਕਿ ਅਸੀਂ ਟੋਕਿਓ ਓਲੰਪਿਕ 2020 ਲਈ ਕੁਆਲੀਫਾਈ ਕਰਨ ਦੇ ਅਹਿਮ ਪੜਾਅ ਚ ਹਾਂ।

 

ਉਨ੍ਹਾਂ ਕਿਹਾ ਕਿ ਇਹ ਦੌਰਾ ਟੀਮ ਨੂੰ ਓਡੀਸ਼ਾ ਚ ਹੋਣ ਵਾਲੇ ਐਫਆਈਐੱਚ ਹਾਕੀ ਓਲੰਪਿਕ ਕੁਆਲੀਫਾਇਰ ਚ ਅਮਰੀਕਾ ਦਾ ਮੁਕਾਬਲਾ ਕਰਨ ਲਈ ਤਿਆਰ ਕਰਨ ਵਿੱਚ ਮਦਦ ਕਰੇਗਾ।

 

 

 

ਭਾਰਤੀ ਟੀਮ ਇਸ ਪ੍ਰਕਾਰ ਹੈ:

    

ਗੋਲਕੀਪਰਜ਼: ਸਵਿਤਾ (ਉਪ ਕਪਤਾਨ), ਰਜਨੀ ਇਤੀਮਾਰਪੂ।

    

ਡਿਫੈਂਡਰ: ਦੀਪ ਗਰੇਸ ਏਕਾ, ਗੁਰਜੀਤ ਕੌਰ, ਰੀਨਾ ਖੋਖਰ, ਸਲੀਮਾ ਟੇਟੇ।

    

ਮਿਡਫੀਲਡਰ: ਸੁਸ਼ੀਲਾ ਚਾਨੂ ਪੁਕਰਮਬੌਮ, ਨਿੱਕੀ ਪ੍ਰਧਾਨ, ਮੋਨਿਕਾ, ਨੇਹਾ ਗੋਇਲ, ਲਿਲੀਮਾ ਮਿੰਜ, ਨਮਿਤਾ ਟੋਪਪੋ।

    

ਫਾਰਵਰਡ: ਰਾਣੀ (ਕਪਤਾਨ), ਵੰਦਨਾ ਕਟਾਰੀਆ, ਨਵਨੀਤ ਕੌਰ, ਲਾਲਰੇਮਸਿਆਮੀ, ਨਵਜੋਤ ਕੌਰ, ਸ਼ਰਮੀਲਾ ਦੇਵੀ।

 

 

 

 

.

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Hockey India announced Indian Women Hockey Team for England Tour under Rani Rampal Captaincy