ਅਗਲੀ ਕਹਾਣੀ

Davis Cup: 55 ਸਾਲ ਬਾਅਦ ਪਾਕਿਸਤਾਨ ਦੌਰੇ 'ਤੇ ਜਾ ਸਕਦੀ ਹੈ ਭਾਰਤੀ ਟੀਮ

 

ਪਾਕਿਸਤਾਨੀ ਟੈਨਿਸ ਫੈਡਰੇਸ਼ਨ (ਪੀਟੀਐਫ) ਨੇ ਕਿਹਾ ਕਿ ਉਹ 55 ਸਾਲ ਬਾਅਦ ਡੇਵਿਸ ਕੱਪ ਵਿੱਚ ਭਾਰਤ ਦੀ ਮੇਜ਼ਬਾਨੀ ਕਰਨ ਨੂੰ ਤਿਆਰ ਹੈ। ਨਿਊਜ਼ ਏਜੰਸੀ ਸਿਨਹੁਆ ਅਨੁਸਾਰ, ਭਾਰਤੀ ਟੀਮ ਮੁਕਾਬਲੇ ਦੇ ਏਸ਼ੀਆ-ਓਸਿਆਨੀਆ ਗਰੁੱਪ-ਆਈ ਕੇ ਟਾਈ ਵਿੱਚ ਪਾਕਿਸਤਾਨ ਦਾ ਮੁਕਾਬਲਾ ਕਰੇਗੀ। 


 

ਪੀਟੀਐਫ਼ ਦੇ ਉਪ ਪ੍ਰਧਾਨ ਮੁਹੰਮਦ ਖ਼ਾਲਿਦ ਰਹਿਮਾਨੀ ਨੇ ਵੀਰਵਾਰ ਨੂੰ ਦੱਸਿਆ ਕਿ ਇਸ ਸਾਲ ਸਤੰਬਰ ਵਿੱਚ ਢੁਕਵੇਂ ਢੰਗ ਨਾਲ ਮੁਕਾਬਲਿਆਂ ਨੂੰ ਆਯੋਜਿਤ ਕਰਵਾਉਣ ਲਈ ਸਾਰੇ ਜ਼ਰੂਰੀ ਪ੍ਰਬੰਧ ਕੀਤੇ ਗਏ ਹਨ।

 

ਭਾਰਤੀ ਟੀਮ ਨੇ ਆਖ਼ਰੀ ਵਾਰ ਮਾਰਚ 1964 ਵਿੱਚ ਪਾਕਿਸਤਾਨ ਦਾ ਦੌਰੇ ਕੀਤਾ ਅਤੇ ਲਾਹੌਰ ਵਿੱਚ ਮੇਜ਼ਬਾਨ ਟੀਮ ਨੂੰ 4-0 ਨਾਲ ਹਰਾਇਆ ਸੀ। ਇਸ ਤੋਂ ਬਾਅਦ, ਪਾਕਿਸਤਾਨ ਅਤੇ ਭਾਰਤ ਵਿਚਕਾਰ ਅਪ੍ਰੈਲ 2006 ਵਿੱਚ ਮੁੰਬਈ 'ਚ ਮੁਕਾਬਲੇ ਹੋਏ ਸਨ।

 

ਦੋਵੇਂ ਟੀਮਾਂ ਵਿਚਕਾਰ ਮੈਚ 14 ਅਤੇ 15 ਸਤੰਬਰ ਨੂੰ ਇੱਥੇ ਪਾਕਿਸਤਾਨ ਖੇਡ ਕੰਪਲੈਕਸ ਵਿੱਚ ਗਰਾਸ ਕੋਰਟ ਉੱਤੇ ਖੇਡੇ ਜਾਣਗੇ।  ਪਾਕਿਸਤਾਨ ਨੇ 2017 ਵਿੱਚ ਇਸ ਜਗ੍ਹਾ ਉੱਤੇ ਉਜ਼ਬੇਕਿਸਤਾਨ, ਦੱਖਣੀ ਕੋਰੀਆ ਅਤੇ ਥਾਈਲੈਂਡ ਦੇ ਸਾਹਮਣਾ ਕੀਤਾ ਹੈ।

 

 

ਪੀਟੀਐਫ ਅਧਿਕਾਰੀ ਨੇ ਕਿਹਾ ਕਿ ਅੰਤਰਰਾਸ਼ਟਰੀ ਟੈਨਿਸ ਫੈਡਰੇਸ਼ਨ ਨੇ (ਆਈ ਟੀ ਐਫ) ਦੀ ਇਕ ਟੀਮ ਨੇ ਇਸ ਹਫ਼ਤੇ ਦੀ ਸ਼ੁਰੂਆਤ ਵਿੱਚ ਪਾਕਿਸਤਾਨ ਦਾ ਦੌਰਾ ਕੀਤਾ ਸੀ ਅਤੇ ਟਾਈ ਲਈ ਪਾਕਿਸਤਾਨ ਵੱਲੋਂ ਕੀਤੇ ਪ੍ਰਸ਼ਾਸਨਿਕ ਅਤੇ ਸੁਰੱਖਿਆ ਉਪਾਅ ਉੱਤੇ ਆਪਣੀ ਤਸੱਲੀ ਪ੍ਰਗਟ ਕੀਤੀ ਸੀ।

 

 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:India can go on tour to Pakistan after 55 years davis cup