ਰੋਹਿਤ ਸ਼ਰਮਾ ਨੇ ਠੋਕਿਆ ਟੀ20 ਦਾ ਚੌਥਾ ਸੈਂਕੜਾ, ਵਿੰਡੀਜ਼ ਨੂੰ 196 ਦੌੜਾਂ ਦਾ ਟੀਚਾ

ਰੋਹਿਤ ਸ਼ਰਮਾ ਦੇ ਇਤਿਹਾਸਿਕ ਸੈਂਕੜੇ (111 ਦੌੜਾਂ) ਦੇ ਦਮ ਤੇ ਭਾਰਤੀ ਕ੍ਰਿਕਟ ਟੀਮ ਨੇ ਵੈਸਟ ਇੰਡੀਜ਼ ਸਾਹਮਣੇ 196 ਦੌੜਾਂ ਦਾ ਟੀਚਾ ਰੱਖਿਆ। ਲਖਨਊ ਚ ਖੇਡੇ ਜਾ ਰਹੇ ਦੂਜੇ ਟੀ20 ਚ ਟਾਚ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਭਾਰਤੀ ਟੀਮ ਨੇ 20 ਓਵਰਾਂ ਚ 2 ਵਿਕਟਾਂ ਖੋਹ ਕੇ 195 ਦੌੜਾਂ ਦਾ ਵੱਡਾ ਸਕੋਰ ਬਣਾ ਦਿੱਤਾ।

ਰੋਹਿਤ ਸ਼ਰਮਾ ਨੇ 61 ਗੇਂਦਾਂ ਚ 8 ਚੋਕਿਆਂ ਅਤੇ 7 ਛੱਕਿਆਂ ਦੀ ਮਦਦ ਨਾਲ ਨਾਬਾਦ 111 ਦੌੜਾਂ ਦੀ ਪਾਰੀ ਖੇਡੀ। ਇਹ ਟੀ20 ਚ ਉਨ੍ਹਾਂ ਦਾ ਚੌਥਾਂ ਸੈਂਕੜਾ ਹੈ। ਇਸਦੇ ਬਾਅਦ ਬੱਲੇਬਾਜ਼ੀ ਕਰਨ ਆਏ ਰਿਸ਼ਭ ਪੰਤ ਇੱਕ ਵਾਰ ਫਿਰ ਆਪਣਾ ਅਸਰ ਦਿਖਾਉਣ ਚ ਅਸਫਲ ਰਹੇ। 6 ਗੇਂਦਾਂ ਚ 5 ਦੌੜਾਂ ਬਣਾ ਕੇ ਇਹ ਨੌਜਵਾਨ ਬੱਲੇਬਾਜ਼ ਖੈਰੀ ਪਿਏਰੇ ਦਾ ਸਿ਼ਕਾਰ ਬਣ ਗਿਆ।

Innings Break!

Batting heroics from the Skipper (111*) as #TeamIndia post a formidable total of 195/2 for the Windies to chase.

Stay tuned #INDvWI pic.twitter.com/p1p09sZC6V

— BCCI (@BCCI) November 6, 2018

ਲੋਕੇਸ਼ ਰਾਹੁਲ 26 ਦੌੜਾਂ ਬਣਾ ਕੇ ਨਾਬਾਦ ਰਹੇ। ਸਿ਼ਖਰ ਧਵਨ ਨੇ 43 ਅਤੇ ਰਿਸ਼ਭ ਪੰਤ ਨੇ 5 ਦੌੜਾਂ ਬਣਾਈਆਂ। ਸਿ਼ਖਰ ਧਵਨ ਪਿਛਲੇ ਸੱਤ ਮੈਂਚਾਂ ਚ ਪਹਿਲੀ ਵਾਰ 40 ਦੇ ਪਾਰ ਦੌੜਾਂ ਬਣਾ ਪਾਏ ਹਨ। ਵੈਸਟ ਇੰਡੀਜ਼ ਖਿਲਾਫ ਪੰਜ ਮੈਚਾਂ ਦੀ ਵਨਡੇ ਸੀਰੀਜ਼ ਚ ਉਨ੍ਹਾਂ ਦਾ ਸਭ ਤੋਂ ਵੱਡਾ ਸਕੋਰ 38 ਦੌੜਾਂ ਦਾ ਸੀ। ਟੀ20 ਸੀਰੀਜ਼ ਦੇ ਪਹਿਲੇ ਮੈਚ ਚ ਉਹ 3 ਦੌੜ ਬਣਾ ਕੇ ਆਊਟ ਹੋ ਗਏ ਸਨ।