ਕਿੰਗਜ਼ ਇਲੈਵਨ ਪੰਜਾਬ ਨੇ ਵੱਡਾ ਧਮਾਕਾ ਕੀਤਾ ਹੈ. ਟੀਮ ਨੇ ਰੱਖੇ ਗਏ ਤੇ ਕੱਢੇ ਗਏ ਖਿਡਾਰੀਆਂ ਦੀ ਸੂਚੀ ਇੰਡੀਅਨ ਪ੍ਰੀਮੀਅਰ ਲੀਗ ਨੀਲਾਮੀ ਤੋਂ ਪਹਿਲਾਂ ਐਲਾਨ ਦਿੱਤੀ ਹੈ। ਆਸਟਰੇਲੀਆ ਦੇ ਸੀਮਤ ਓਵਰਾਂ ਦੇ ਕਪਤਾਨ ਐਰਨ ਫਿੰਚ, 2011 ਵਿਸ਼ਵ ਕੱਪ ਜੇਤੂ ਯੁਵਰਾਜ ਸਿੰਘ ਤੇ ਖੱਬੇ ਹੱਥ ਦੇ ਸਪਿਨਰ ਅਕਸਰ ਪਟੇਲ ਵੱਡੇ ਨਾਂ ਹਨ ਜਿਨ੍ਹਾਂ ਨੂੰ ਫਰੈਂਚਾਇਜ਼ੀ ਵੱਲੋਂ ਛੱਡ ਦਿੱਤਾ ਗਿਆ ਹੈ।
ਫਿੰਚ ਤੇ ਯੁਵਰਾਜ ਦੋਵਾਂ ਨੂੰ ਪਿਛਲੇ ਸੈਸ਼ਨ ਵਿੱਚ ਫ੍ਰੈਂਚਾਇਜ਼ੀ ਦੁਆਰਾ ਨਿਲਾਮੀ ਵਿੱਚ ਖਰੀਦੀਆ ਗਿਆ ਸੀ ਜਦਕਿ ਅਕਸਰ ਪਟੇਲ ਨੂੰ ਰੀਟੇਨ ਕੀਤਾ ਗਿਆ ਸੀ।
ਫ੍ਰੈਂਚਾਈਜ਼ੀ ਵੱਲੋਂ ਜਾਰੀ ਇਕ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਕਿੰਗਜ਼ ਇਲੈਵਨ ਪੰਜਾਬ ਨੇ ਅਗਲੇ ਸਾਲ ਇੰਡੀਅਨ ਪ੍ਰੀਮੀਅਰ ਲੀਗ ਤੋਂ ਪਹਿਲਾਂ ਆਪਣਾ ਕੋਰ ਟੀਮ ਬਣਾਈ ਰੱਖੀ ਹੈ ਤੇ 9 ਖਿਡਾਰੀਆਂ ਨੂੰ ਟੀਮ ਨਾਲ ਜੁੜੇ ਰਹਿਣ ਲਈ ਚੁਣਿਆ ਹੈ।
"ਲੋਕੇਸ਼ ਰਾਹੁਲ ਤੇ ਕਰੁਣ ਨਾਇਰ ਨੂੰ ਰੀਟੇਨ ਕੀਤਾ ਗਿਆ ਹੈ. ਰਵੀਚੰਦਰਨ ਅਸ਼ਵਿਨ ਨੂੰ ਵੀ ਟੀਮ ਅੰਦਰ ਬਰਕਰਾਰ ਰੱਖਿਆ ਗਿਆ ਹੈ।
ਵਿਦੇਸ਼ੀ ਖਿਡਾਰੀਆਂ ਵਿੱਚ ਸਪਿੰਨਰ ਮੁਜੀਬ ਉਰ ਰਹਿਮਾਨ, ਸੀਜਨ 11 ਪਰਪਲ ਕੈਪ ਵੀਨਰ ਐਂਡਰਿਊ ਟਾਈ, ਵਿਸਫੋਟਕ ਸਲਾਮੀ ਬੱਲੇਬਾਜ਼ ਕ੍ਰਿਸ ਗੇਲ ਤੇ ਡੇਵਿਡ ਮਿਲਰ ਵੀ ਪੰਜਾਬ ਟੀਮ ਦਾ ਹਿੱਸਾ ਬਣੇ ਰਹਿਣਗੇ ਮਯੰਕ ਅਗਰਵਾਲ ਅਤੇ ਅੰਕਿਤ ਰਾਜਪੂਤ ਅਨਕੈਪਡ ਖਿਡਾਰੀ ਹੋਣਗੇ, ਜੋ ਸੀਜ਼ਨ 12 ਵਿੱਚ ਵੀ ਪੰਜਾਬ ਲਈ ਖੇਡਦੇ ਹੋਏ ਨਜ਼ਰ ਆਉਣਗੇ। "
ਕਿੰਗਜ਼ ਇਲੈਵਨ ਪੰਜਾਬ, ਦਿੱਲੀ ਡੇਅਰਡੈਵਿਲਜ਼ ਅਤੇ ਰਾਇਲ ਚੈਲੇਂਜਰਜ਼ ਬੈਂਗਲੌਰ ਨੇ ਕਦੇ ਵੀ ਇੰਡੀਅਨ ਪ੍ਰੀਮੀਅਰ ਲੀਗ ਨਹੀਂ ਜਿੱਤਿਆ ਹੈ।
ਖਿਡਾਰੀਆਂ ਦੀ ਪੂਰੀ ਸੂਚੀ ਹੈ -
ਰੀਟੇਨ ਕੀਤੇ ਗਏ: ਲੋਕੇਸ਼ ਰਾਹੁਲ, ਕ੍ਰਿਸ ਗੇਲ, ਐਂਡਰਿਊ ਟਾਈ, ਮਯੰਕ ਅਗਰਵਾਲ, ਅੰਕਿਤ ਰਾਜਪੂਤ, ਮੁਜੀਬ ਊਰ ਰਹਿਮਾਨ, ਕਰੁਣ ਨਾਇਰ, ਡੇਵਿਡ ਮਿਲਰ ਅਤੇ ਆਰ. ਅਸ਼ਵਿਨ
ਕੱਢੇ ਗਏ: ਅਰੋਨ ਫਿੰਚ, ਅਕਾਰ ਪਟੇਲ, ਮੋਹਿਤ ਸ਼ਰਮਾ, ਯੁਵਰਾਜ ਸਿੰਘ, ਬਰਿੰਦਰ ਸਰਾਂ, ਬੇਨ ਦਵਾਰਸ਼ੂ, ਮਨੋਜ ਤਿਵਾੜੀ, ਅਕਸ਼ਦੀਪ ਨਾਥ, ਪਰਦੀਪ ਸਾਹੂ, ਮਯੰਕ ਦਗੀਗਰ ਅਤੇ ਮੰਜ਼ੂਰ ਦਰ
ਟ੍ਰੈਡਡ: ਮਨਦੀਪ ਸਿੰਘ ਲਈ ਮਾਰਕਸ ਸਟੋਨੀਜ਼
