ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਅਮਰੀਕਾ ਦੇ ਟੈਕਸਾਸ ’ਚ ਇਕ ਨਿੱਜੀ ਜਹਾਜ਼ ਹਾਦਸਾਗ੍ਰਸਤ, 10 ਦੀ ਮੌਤ

ਅਮਰੀਕਾ ਦੇ ਟੈਕਸਾਸ ’ਚ ਇਕ ਨਿੱਜੀ ਜਹਾਜ਼ ਹਾਦਸਾਗ੍ਰਸਤ, 10 ਦੀ ਮੌਤ

ਅਮਰੀਕਾ ਦੇ ਟੈਕਸਾਸ ਦੇ ਏਡੀਸਨ ਹਵਾਈ ਅੱਡੇ ਉਤੇ ਐਤਵਾਰ ਨੂੰ ਇਕ ਛੋਟਾ ਜਹਾਜ਼ ਉਡਾਨ ਭਰਦੇ ਸਮੇਂ ਹੈਂਗਰ (ਜਹਾਜ਼ ਸ਼ਾਲਾ) ਤੋਂ ਟਕਰਾਕੇ ਹਾਦਸਾਗ੍ਰਸਤ ਹੋ ਗਿਆ ਜਿਸ ਵਿਚ 10 ਲੋਕਾਂ ਦੀ ਮੌਤ ਹੋ ਗਈ। ਏਡੀਸਨ ਸਿਟੀ ਦੇ ਬੁਲਾਰ ਮੈਰੀ ਰੋਜਨਬਲੀਥ ਨੇ ਦੱਸਿਆ ਕਿ ਸਥਾਨਕ ਸਮੇਂ ਅਨੁਸਾਰ ਨੌ ਵਜਕੇ 10 ਮਿੰਟ ਉਤੇ ਦੋ ਇੰਜਣ ਵਾਲਾ ‘ਦੀ ਬੀਚਕ੍ਰਾਫਟ ਬੀ ਈ–350 ਜਹਾਜ਼ ਉਡਾਨ ਭਰਨ ਦੌਰਾਨ ਹੈਂਗਰ ਨਾਲ ਟਕਰਾਅ ਗਿਆ ਅਤੇ ਉਸ ਵਿਚ ਅੱਗ ਲਗ ਗਈ। ਜਹਾਜ਼ ਵਿਚ ਸਵਾਰ ਸਾਰੇ 10 ਲੋਕਾਂ ਦੀ ਮੌਤ ਹੋ ਗਈ।

 

ਰੋਜਨਬਲੀਥ ਨੇ ਕਿਹਾ ਕਿ ਇਸ ਹਾਦਸੇ ਵਿਚ ਜਹਾਜ਼ ਪੂਰੀ ਤਰ੍ਹਾਂ ਸੜਕੇ ਰਾਖ ਹੋ ਗਿਆ। ਜਹਾਜ਼ ਨੇ ਏਡੀਸਨ ਤੋਂ ਡਲਾਸ ਲਈ ਉਡਾਨ ਭਰ ਰਿਹਾ ਸੀ। ਏਡੀਸਨ ਤੋਂ ਡਲਾਸ ਦੀ ਉਡਾਨ ਕੇਵਲ 15 ਮਿੰਟ ਦੀ ਹੈ। ਸੀਐਨਐਨ ਦੀ ਰਿਪੋਰਟ ਅਨੁਸਾਰ ਇਹ ਇਕ ਨਿੱਜੀ ਜਹਾਜ਼ ਸੀ ਅਤੇ ਫਿਲਹਾਲ ਇਹ ਪਤਾ ਨਹੀਂ ਚਲਿਆ ਕਿ ਉਸ ਉਤੇ ਕੌਣ–ਕੌਣ ਸਵਾਰ ਸਨ। ਰਾਸ਼ਟਰੀ ਆਵਾਜਾਈ ਸੁਰੱਖਿਆ ਬੋਰਡ (ਐਨਟੀਐਸਬੀ) ਨੇ ਟਵਿਟਰ ਉਤੇ ਕਿਹਾ ਕਿ ਹਾਦਸੇ ਦੀ ਜਾਂਚ ਲਈ ਇਕ ਟੀਮ ਮੌਕੇ ਵੁਤੇ ਰਵਾਨਾ ਕੀਤਾ ਗਿਆ ਹੈ। ਸੰਘੀ ਜਹਾਜ ਪ੍ਰਸ਼ਾਸਨ (ਐਫਏਏ) ਨੇ ਬਿਆਨ ਜਾਰੀ ਕਰਕੇ ਕਿਹਾ ਕਿ ਹਾਦਸੇ ਸਮੇਂ ਹੈਂਗਰ ਅੰਦਰ ਕੋਈ ਨਹੀਂ ਸੀ। ਵੁਸਨੇ ਕਿਹਾ ਕਿ ਜਾਂਚ ਕਰਨ ਲਈ ਇਕ ਟੀਮ ਏਡੀਸਨ ਰਵਾਨਾ ਹੋ ਗਈ ਹੈ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:A private plane crashes in Texas USA 10 killed