ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਦੇਸ਼ 'ਚ ਛਾਂਟੀਆਂ ਨੂੰ ਰੋਕਣ ਲਈ ਕੈਨੇਡੀਅਨ ਸੰਸਦ ਨੇ ਚੁੱਕੇ ਕਦਮ, 10 ਲੱਖ ਲੋਕ ਹੋਏ ਬੇਰੁਜ਼ਗਾਰ

ਕੈਨੇਡਾ ਦੀ ਸੰਸਦ ਨੇ ਇਕ ਵੱਡਾ ਕੋਵਿਡ -19 ਰਾਹਤ ਬਿੱਲ ਪਾਸ ਕੀਤਾ ਹੈ, ਜਿਸ ਨੂੰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੂਜੇ ਵਿਸ਼ਵ ਯੁੱਧ ਤੋਂ ਬਾਅਦ ਦੇਸ਼ ਦਾ ਸਭ ਤੋਂ ਮਹੱਤਵਪੂਰਨ ਆਰਥਿਕ ਪ੍ਰੋਗਰਾਮ ਦੱਸਿਆ ਹੈ। 

 

ਸਿਨਹੂਆ ਦੀ ਰਿਪੋਰਟ ਅਨੁਸਾਰ ਸ਼ਨਿੱਚਰਵਾਰ (11 ਅਪ੍ਰੈਲ) ਦੀ ਬੈਠਕ ਵਿੱਚ ਹਾਊਸ ਆਫ਼ ਕਾਮਨਜ਼ ਅਤੇ ਸਾਰੀਆਂ ਪਾਰਟੀਆਂ ਦੇ ਸੈਨੇਟ ਦੇ ਮੈਂਬਰ ਸਰਕਾਰ ਦੇ 52 ਅਰਬ ਡਾਲਰ ਦੀ ਸਬਸਿਡੀ ਵਾਲੇ ਪ੍ਰੋਗਰਾਮ ਨੂੰ ਸਮਰੱਥਨ ਦੇਣ ਲਈ ਸਹਿਮਤ ਹੋਏ, ਜਿਸ ਦਾ ਕੁੱਲ ਹਿੱਸਾ 42,000 ਡਾਲਰ ਤੱਕ ਦੀ 75 ਪ੍ਰਤੀਸ਼ਤ ਕਮਾਈ ਨੂੰ ਕਵਰ ਕਰੇਗਾ।
 

ਯੋਗਤਾ ਪੂਰੀ ਕਰਨ ਲਈ, ਮਾਲਕਾਂ ਨੂੰ ਇਹ ਦਰਸਾਉਣਾ ਹੋਵੇਗਾ ਕਿ ਉਨ੍ਹਾਂ ਨੂੰ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ ਵਿੱਚ ਮਾਰਚ ਤੋਂ ਲਾਭ ਵਿੱਚ ਘੱਟ ਤੋਂ ਘੱਟ ਫ਼ੀਸਦੀ ਜਾਂ ਅਪ੍ਰੈਲ ਅਤੇ ਮਈ ਵਿੱਚ 30 ਪ੍ਰਤੀਸ਼ਤ ਦੀ ਕਮੀ ਦੀ ਉਮੀਦ ਹੈ। ਰਾਹਤ ਪੈਕੇਜ ਦਾ ਉਦੇਸ਼ ਕਾਰੋਬਾਰਾਂ ਨੂੰ ਇਸ ਵਿਚਾਰ ਨਾਲ ਉਤਸ਼ਾਹਿਤ ਕਰਨਾ ਹੈ ਕਿ ਕਰਮਚਾਰੀਆਂ ਦੀ ਛਾਂਟੀ ਨੇ ਹੋ ਸਕੇ।

 

ਹਾਲਾਂਕਿ, 10 ਲੱਖ ਤੋਂ ਜ਼ਿਆਦਾ ਕੈਨੇਡੀਅਨ ਲੋਕ ਪਹਿਲਾਂ ਹੀ ਆਪਣੀਆਂ ਨੌਕਰੀਆਂ ਗੁਆ ਚੁੱਕੇ ਹਨ। ਪਿਛਲੇ ਮਹੀਨੇ ਕੈਨੇਡੀਅਨ ਫੈਡਰੇਸ਼ਨ ਆਫ਼ ਇੰਡੀਪੈਂਡੈਂਟ ਬਿਜ਼ਨਸ ਵੱਲੋਂ ਪਿਛਲੇ ਮਹੀਨੇ ਦੇ ਇੱਕ ਸਰਵੇਖਣ ਵਿੱਚ ਪਾਇਆ ਗਿਆ ਸੀ ਕਿ ਕੋਰੋਨਾ ਸੰਕਟ ਦੌਰਾਨ 32 ਪ੍ਰਤੀਸ਼ਤ ਛੋਟੇ ਅਤੇ ਦਰਮਿਆਨੇ ਆਕਾਰ ਦੇ ਕਾਰੋਬਾਰ ਗ਼ੈਰ-ਜ਼ਰੂਰੀ ਵਜੋਂ ਬੰਦ ਹੋ ਗਏ ਹਨ, ਇਸ ਤੋਂ ਸੰਕੇਤ ਮਿਲਦਾ ਹੈ ਕਿ ਉਹ ਇਸ ਬਾਰੇ ਅਸਪਸ਼ੱਟ ਹਨ ਸਨ ਕਿ ਲੌਕਡਾਊਨ ਹਟਣ ਉੱਤੇ ਉਹ ਮੁੜ ਖੋਲ੍ਹ ਸਕਣਗੇ।
 

ਪਿਛਲੇ ਮਹੀਨੇ ਸੰਸਦ ਨੂੰ 20 ਅਪ੍ਰੈਲ ਤੱਕ ਮੁਲਤਵੀ ਕਰ ਦਿੱਤਾ ਗਿਆ ਸੀ ਪਰ ਕਾਮਨਜ਼ ਅਤੇ ਸੈਨੇਟ ਐਮਰਜੈਂਸੀ ਸੈਸ਼ਨਾਂ ਵਿੱਚ ਦੋ ਵਾਰ ਬੈਠਕ ਹੋ ਚੁੱਕੀ ਹੈ। ਟਰੂਡੋ ਨੇ ਸੈਸ਼ਨ ਦੌਰਾਨ ਕੋਰੋਨਾ ਖ਼ਿਲਾਫ਼ ਦੇਸ਼ ਦੀ ਲੜਾਈ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਫਰੰਟ ਲਾਈਨ ਹਰ ਥਾਂ ਹੈ। ਕੈਨੇਡਾ ਵਿੱਚ 23,318 ਕੇਸ ਸਾਹਮਣੇ ਆ ਚੁੱਕੇ ਹਨ ਜਿਨ੍ਹਾਂ ਵਿੱਚ ਕੋਰੋਨਾ ਕਾਰਨ 653 ਮੌਤਾਂ ਹੋ ਚੁੱਕੀਆਂ ਹਨ।
.......

 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Canada MPs pass vast Coronavirus pandemic economic aid programme