ਅਗਲੀ ਕਹਾਣੀ

ਡ੍ਰੋਨ ਹਮਲੇ ’ਚ ਹੋਈਆਂ ਮੌਤਾਂ ਉਤੇ ਹੁਣ CIA ਨਹੀਂ ਦੇਵੇਗੀ ਰਿਪੋਰਟ

ਡ੍ਰੋਨ ਹਮਲੇ ’ਚ ਹੋਈਆਂ ਮੌਤਾਂ ਉਤੇ ਹੁਣ CIA ਨਹੀਂ ਦੇਵੇਗੀ ਰਿਪੋਰਟ

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਉਬਾਮਾ ਸਮੇਂ ਦੀ ਉਸ ਨੀਤੀ ਨੂੰ ਖਤਮ ਕਰ ਦਿੱਤਾ ਹੈ ਜਿਸ ਦੇ ਤਹਿਤ ਅਮਰੀਕੀ ਸਰਕਾਰ ਨੂੰ ਪਾਕਿਸਤਾਨ, ਅਫਗਾਨਿਸਤਾਨ ਅਤੇ ਸੋਮਾਲੀਆ ਵਰਗੇ ਦੇਸ਼ਾਂ ਵਿਚ ਅੱਤਵਾਦੀਆਂ ਨੂੰ ਨਿਸ਼ਾਨਾ ਬਣਾਕੇ ਕੀਤੇ ਗਏ ਡ੍ਰੋਨ ਹਮਲੇ ਵਿਚ ਮਾਰੇ ਗਏ ਆਮ ਨਾਗਰਿਕਾਂ ਦੀ ਗਿਣਤੀ ਦੀ ਸਾਲਾਨਾ ਰਿਪੋਰਟ ਪ੍ਰਕਾਸ਼ਤ ਕਰਨੀ ਹੁੰਦੀ ਸੀ। ਸਾਲ 2016 ਵਿਚ ਤੱਤਕਾਲੀਨ ਰਾਸ਼ਟਰਪਤੀ ਬਰਾਕ ਓਬਾਮਾ ਇਹ ਸਰਕਾਰੀ ਬਿੱਲ ਲੈ ਕੇ ਆਏ ਸਨ। ਉਨ੍ਹਾਂ ਉਤੇ ਕੇਂਦਰੀ ਖੁਫੀਆ ਏਜੰਸੀ (ਸੀਆਈਏ) ਵੱਲੋਂ ਕੀਤੇ ਗਏ ਡ੍ਰੋਨ ਹਮਲਿਆਂ ਉਤੇ ਜ਼ਿਆਦਾ ਪਾਰਦਰਸ਼ਤਾ ਲਿਆਉਣ ਦਾ ਦਬਾਅ ਸੀ।

 

ਅਮਰੀਕਾ ਵਿਚ ਅਲਕਾਇਦਾ ਦੇ 9/11 ਹਮਲੇ ਦੇ ਬਾਅਦ ਅੰਤਕ ਅਤੇ ਸੈਨਾ ਟਿਕਾਣਿਆਂ ਦੇ ਖਿਲਾਫ ਡ੍ਰੋਨ ਹਮਲਿਆਂ ਦੀ ਵਰਤੋਂ ਵਧਾ ਦਿੱਤੀ। ਟਰੰਪ ਪ੍ਰਸ਼ਾਸਨ ਨੇ ਕਿਹਾ ਕਿ 2016 ਦਾ ਬਿੱਲ ‘ਅਨਾਵਸ਼ਕ ਅਤੇ ਧਿਆਨ’ ਭਟਕਾਉਣ ਵਾਲਾ ਹੈ। ਰਾਸ਼ਟਰੀ ਸੁਰੱਖਿਆ ਪਰਿਸ਼ਦ ਦੇ ਇਕ ਬੁਲਾਰੇ ਨੇ ਬੁੱਧਵਾਰ (6 ਫਰਵਰੀ) ਨੂੰ ਇਕ ਬਿਆਨ ਵਿਚ ਕਿਹਾ ਕਿ ਰਾਸ਼ਟਰਪਤੀ ਟਰੰਪ ਦੇ ਕਦਮ ਨਾਲ ਜ਼ਰੂਰੀ ਰਿਪੋਰਟਿੰਗ ਦੀ ਜ਼ਰੂਰਤ ਖਤਮ ਹੋ ਜਾਂਦੀ ਹੈ।  ਇਹ ਕਦਮ ਖੁਫੀਆ ਵਿਭਾਗ ਦੇ ਪੇਸ਼ੇਵਰਾਂ ਨੂੰ ਉਨ੍ਹਾਂ ਦੇ ਮੂਲ ਮਿਸ਼ਨ ਨਾਲ ਧਿਆਨ ਭਟਕਾਉਣ ਦੇ ਕੰਮ ਨੂੰ ਖਤਮ ਕਰਦਾ ਹੈ।

 

ਦਰਅਸਲ, ਓਬਾਮਾ ਕਾਲ ਵਿਚ ਸੀਆਈਏ ਦੇ ਪ੍ਰਮੁੱਖ ਨੂੰ ਅਮਰੀਕੀ ਡ੍ਰੋਨ ਹਮਲਿਆਂ ਬਾਰੇ ਸਾਲਾਨਾ ਰਿਪੋਰਟ ਜਾਰੀ ਕਰਦੀ ਹੁੰਦੀ ਸੀ ਅਤੇ ਦੱਸਣਾ ਹੁੰਦਾ ਸੀ ਕਿ ਇਨ੍ਹਾਂ ਹਮਲਿਆਂ ਵਿਚ ਕਿੰਨੇ ਲੋਕਾਂ ਦੀ ਜਾਨ ਗਈ।  ਵਾਈਟ ਹਾਊਸ ਦਾ ਕਹਿਣਾ ਹੈ ਕਿ ਇਸ ਆਦੇਸ਼ ਦਾ ਮਕਸਦ ਅਮਰੀਕੀ ਹਵਾਈ ਹਮਲਿਆਂ ਦੇ ਕਾਰਨ ਹੋਈ ਮੌਤਾਂ ਬਾਰੇ ਵਿਚ ਪਾਰਦਰਸ਼ਤਾ ਘਟਾਉਣਾ ਨਹੀਂ ਹੈ। ਪ੍ਰਸ਼ਾਸਨ ਨੇ ਕਿਹਾ ਕਿ ਸਰਕਾਰ ਅਣ ਅਧਿਕਾਰਤ ਰਿਪੋਰਟਿੰਗ ਕਰਨ ਦੀ ਜ਼ਰੂਰਤ ਨੂੰ ਖਤਮ ਕਰਕੇ ਪ੍ਰਕਿਰਿਆ ਨੂੰ ਸੰਚਾਰੂ ਕਰਨ ਦੀ ਮੰਸ਼ਾ ਨਾਲ ਇਹ ਕਦਮ ਚੁੱਕ ਰਹੀ ਹੈ।

 

ਰਾਸ਼ਟਰੀ ਸੁਰੱਖਿਆ ਪਰਿਸ਼ਦ ਦੇ ਇਕ ਬੁਲਾਰੇ ਨੇ ਸੀਐਨਐਨ ਨੂੰ ਇਕ ਬਿਆਨ ਵਿਚ ਕਿਹਾ ਕਿ ਅਮਰੀਕੀ ਸਰਕਾਰ ਸਸ਼ਤਰ ਸੰਰਘਸ਼ ਦੇ ਕਾਨੂੰਨ ਦੇ ਤਹਿਤ ਜਿੰਨਾਂ ਸੰਭਵ ਹੋ ਸਕੇ ਨਾਗਰਿਕ ਮੌਤਾਂ ਨੂੰ ਘੱਟ ਕਰਨ ਅਤੇ ਫੌਜ ਅਭਿਆਨਾਂ ਦੌਰਾਨ ਜੇਕਰ ਮੰਦਭਾਗਾ ਹੁੰਦਾ ਹੈ ਤਾਂ ਇਸ ਲਈ ਜ਼ਿੰਮੇਵਾਰੀ ਸਵੀਕਾਰ ਕਰਨ ਦਾ ਆਪਣਾ ਫਰਜ਼ ਨਿਭਾਉਣ ਲਈ ਪੂਰੀ ਤਰ੍ਹਾਂ ਪ੍ਰਤੀਬੱਧ ਹੈ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Donald Trump junks Barack Obama policy on public report on drone strike deaths in countries like Pakistan