ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਨਿਊ ਯਾਰਕ ਤੋਂ ਦਿੱਲੀ ਸਿਰਫ਼ 8 ਘੰਟਿਆਂ ’ਚ, ‘ਨਾਸਾ’ ਨੇ ਬਣਾਇਆ ਨਵਾਂ ਜਹਾਜ਼

ਨਿਊ ਯਾਰਕ ਤੋਂ ਦਿੱਲੀ ਸਿਰਫ਼ 8 ਘੰਟਿਆਂ ’ਚ, ‘ਨਾਸਾ’ ਨੇ ਬਣਾਇਆ ਨਵਾਂ ਜਹਾਜ਼

ਅਮਰੀਕੀ ਪੁਲਾੜ ਏਜੰਸੀ ‘ਨਾਸਾ’ ਨੇ ਇੱਕ ਅਜਿਹਾ ਹਵਾਈ ਜਹਾਜ਼ ਤਿਆਰ ਕਰ ਲਿਆ ਹੈ, ਜੋ ਤੁਹਾਨੂੰ ਆਵਾਜ਼ ਦੀ ਰਫ਼ਤਾਰ ਤੋਂ ਵੀ ਡੇਢ ਗੁਣਾ ਵੱਧ ਰਫ਼ਤਾਰ ਨਾਲ ਤੁਹਾਡੀ ਮੰਜ਼ਿਲ ਤੱਕ ਪਹੁੰਚਾ ਸਕਦਾ ਹੈ। ਜੇ ਇਸ ਹਵਾਈ ਜਹਾਜ਼ ਦੀ ਤਕਨੀਕ ਦੇ ਆਧਾਰ ’ਤੇ ਨਵੇਂ ਹਵਾਈ ਜਹਾਜ਼ ਤਿਆਰ ਕੀਤੇ ਗਏ, ਤਾਂ ਅਗਲੇ ਦੋ ਸਾਲਾਂ ’ਚ ਤੁਸੀਂ ਮੁੜ ਆਵਾਜ਼ ਦੀ ਰਫ਼ਤਾਰ ਤੋਂ ਵੀ ਤੇਜ਼ ਰਫ਼ਤਾਰ ਨਾਲ ਉੱਡ ਸਕੋਗੇ।

 

 

ਜੇ ਇਹ ਜਹਾਜ਼ ਸਫ਼ਲ ਰਹੇ, ਤਾਂ ਨਿਊ ਯਾਰਕ ਤੋਂ ਦਿੱਲੀ ਦੀ ਦੂਰੀ ਸਿਰਫ਼ 8 ਘੰਟੇ ਰਹਿ ਜਾਵੇਗੀ। ਹੁਣ ਇਹ ਦੂਰੀ 15 ਤੋਂ 16 ਘੰਟਿਆਂ ’ਚ ਤਹਿ ਕੀਤੀ ਜਾਂਦੀ ਹੈ।

 

 

‘ਨਾਸਾ’ ਦੇ ਇਸ ਹਵਾਈ ਜਹਾਜ਼ ਦਾ ਨਾਂਅ ਹੈ X-59 ਕੁਐਸਟ। ਤਿੰਨ ਦਹਾਕਿਆਂ ਤੋਂ ਨਾਸਾ ਇਸ ਪ੍ਰੋਜੈਕਟ ਉੱਤੇ ਕੰਮ ਕਰ ਰਿਹਾ ਹੈ ਕਿ ਕਿਵੇਂ ਸੁਪਰਸੋਨਿਕ ਸਪੀਡ ਉੱਤੇ ਸੋਨਿਕ ਬੂਮ ਨੂੰ ਘਟਾਇਆ ਜਾ ਸਕੇ। ਹੁਣ ਜਾ ਕੇ ਉਨ੍ਹਾਂ ਨੂੰ ਇਸ ਹਵਾਈ ਜਹਾਜ਼ ਦੇ ਰੂਪ ਵਿੱਚ ਇਹ ਕਾਮਯਾਬੀ ਮਿਲੀ ਹੈ। ਹੁਣ ਤੱਕ ਇਸ ਦੇ ਸਾਰੇ ਪਰੀਖਣ ਸਹੀ ਰਹੇ ਹਨ।

 

 

ਨਾਸਾ ਮੁਤਾਬਕ ਹਾਲੇ ਤੱਕ X–59 ਕੁਐਸਟ ਹਵਾਈ ਜਹਾਜ਼ ਦੀਆਂ ਪਰੀਖਣ ਉਡਾਣਾਂ ਹੀ ਚੱਲ ਰਹੀਆਂ ਸਨ। ਪਰ ਹੁਣ ਉਸ ਦੇ ਨਿਰਮਾਣ ਦੀ ਇਜਾਜ਼ਤ ਵੀ ਮਿਲ ਚੁੱਕੀ ਹੈ। ਸਾਲ 2020 ਦੇ ਅੰਤ ਇਸ ਹਵਾਈ ਜਹਾਜ਼ ਦਾ ਸ਼ਹਿਰੀ ਰੂਪ ਸਾਹਮਣੇ ਆ ਜਾਵੇਗਾ। 2021 ਤੱਕ ਪਹਿਲੀ ਉਡਾਣ ਵੀ ਹੋ ਜਾਵੇਗਾ।

 

 

ਇਹ ਜਹਾਜ਼ 55 ਹਜ਼ਾਰ ਫ਼ੁੱਟ ਦੀ ਉਚਾਈ ’ਤੇ ਉੱਡੇਗਾ। ਨਾਸਾ ਮੁਤਾਬਕ ਇਸ ਹਵਾਈ ਜਹਾਜ਼ ਦੇ ਪਰੀਖਣ ਤੇ ਅਗਲੇਰੇ ਵਿਕਾਸ ਲਈ ਲਗਭਗ ਕੁੱਲ 1,755 ਕਰੋੜ ਰੁਪਏ ਤੋਂ ਵੱਧ ਦਾ ਖ਼ਰਚਾ ਆਵੇਗਾ। ਲੌਕਹੀਡ ਮਾਰਟਿਨ ਇਸੇ ਲਾਗਤ ਅਧੀਨ ਇਸ ਦੇ ਨਵੇਂ ਸੰਸਕਰਣ ਦਾ ਨਿਰਮਾਣ ਕਰੇਗਾ।

 

 

X-59 ਕੁਐਸਟ ਹਵਾਈ ਜਹਾਜ਼ ਦੀ ਰਫ਼ਤਾਰ 1,510 ਕਿਲੋਮੀਟਰ ਪ੍ਰਤੀ ਘੰਟਾ ਹੋਵੇਗਾ। ਨਵੀਂ ਦਿੱਲੀ ਤੋਂ ਨਿਊ ਯਾਰਕ ਦੀ ਦੂਰੀ ਲਗਭਗ 12,000 ਕਿਲੋਮੀਟਰ ਹੈ; ਜੋ ਇਸ ਰਫ਼ਤਾਰ ਨਾਲ 8 ਘੰਟਿਆਂ ’ਚ ਪੂਰੀ ਹੋ ਜਾਇਆ ਕਰੇਗੀ।

 

 

ਸਾਲ 2003 ’ਚ ਉਸ ਵੇਲੇ ਦੇ ਸੁਪਰ–ਸੋਨਿਕ ਹਵਾਈ ਜਹਾਜ਼ ਨੂੰ ਇੱਕ ਹਾਦਸਾ ਪੇਸ਼ ਆਉਣ ਤੋਂ ਬਾਅਦ ਉਸ ਨੂੰ ਬੰਦ ਕਰ ਦਿੱਤਾ ਗਿਆ ਸੀ। ਉਸ ਹਵਾਈ ਜਹਾਜ਼ ਦੀ ਰਫ਼ਤਾਰ 2,000 ਕਿਲੋਮੀਟਰ ਪ੍ਰਤੀ ਘੰਟਾ ਤੋਂ ਵੀ ਵੱਧ ਸੀ। ਉਸ ਦੇ ਚੱਲਣ ਸਮੇਂ ਵੱਡੇ ਬੰਬ ਤੋਂ ਵੀ ਤੇਜ਼ ਆਵਾਜ਼ ਆਉਂਦੀ ਸੀ।

 

 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:From New York to Delhi within only 8 hours NASA invented a new aeroplane