ਜ਼ਿੰਬਾਬਵੇ ਚ ਇਕ ਲੜਕੀ ਨੇ ਮਗਰਮੱਛ ਦੇ ਪੰਜੇ ਚ ਫਸੇ ਆਪਣੇ ਮਿੱਤਰ ਨੂੰ ਬਚਾਉਣ ਲਈ ਮਗਰਮੱਛ ਦੀ ਪਿੱਠ 'ਤੇ ਛਾਲ ਮਾਰ ਦਿੱਤੀ। ਜਾਣਕਾਰੀ ਮੁਤਾਬਕ ਸਿੰਡਰੇਲਾ ਪਿੰਡ ਵਿੱਚ ਇੱਕ 9 ਸਾਲਾ ਲੜਕੀ ਲਤੋਇਆ ਮੁਵਾਨੀ ਆਪਣੇ ਦੋਸਤਾਂ ਨਾਲ ਤੈਰ ਰਹੀ ਸੀ ਕਿ ਅਚਾਨਕ ਇੱਕ ਮਗਰਮੱਛ ਨੇ ਉਸ ਉੱਤੇ ਹਮਲਾ ਕਰ ਦਿੱਤਾ।
ਮਗਰਮੱਛ ਉਸਨੂੰ ਖਿੱਚ ਕੇ ਪਾਣੀ ਚ ਲੈ ਜਾ ਰਿਹਾ ਸੀ। ਉਸ ਦੀ ਚੀਕ ਸੁਣ ਕੇ ਉਸ ਦੀ ਦੋਸਤ ਰੇਬੇਕਾ ਮੁਨਕਾਨਬਵੇ ਮਗਰਮੱਛ ਦੇ ਪਿਛਲੇ ਪਾਸੇ ਪਿੱਠ ਤੇ ਛਾਲ ਮਾਰ ਗਈ। ਮੁਨਕਨਬਵੇ ਨੇ ਕਿਹਾ ਕਿ ਮੈਂ ਤੈਰ ਰਹੇ ਬੱਚਿਆਂ ਚ ਸਭ ਤੋਂ ਵੱਡੀ ਸੀ। ਇਸੇ ਨੇ ਮੈਨੂੰ ਉਸ ਨੂੰ ਬਚਾਉਣ ਲਈ ਪ੍ਰੇਰਿਆ।
ਖਬਰਾਂ ਅਨੁਸਾਰ ਮਗਰਮੱਛ ਨੇ ਲਾਤੋਆ ਦਾ ਹੱਥ ਅਤੇ ਲੱਤ ਫੜ ਲਈ। ਇਹ ਵੇਖ ਕੇ ਰੇਬੇਕਾ ਨੇ ਉਸ ਦਾ ਸਾਹਮਣਾ ਕੀਤਾ ਅਤੇ ਉਸਦੀ ਅੱਖ 'ਤੇ ਹਮਲਾ ਕਰਨਾ ਜਾਰੀ ਰੱਖਿਆ ਜਦ ਤੱਕ ਕਿ ਲੜਕੀ 'ਤੇ ਉਸ ਦੀ ਪਕੜ ਹੌਲੀ ਨਹੀਂ ਹੋ ਗਈ। ਉਸਨੇ ਕਿਹਾ ਕਿ ਲਤੋਇਆ ਦੇ ਆਜ਼ਾਦ ਹੁੰਦਿਆਂ ਹੀ ਮੈਂ ਉਸ ਨਾਲ ਤੈਰ ਕੇ ਕੰਢੇ ਤਕ ਆ ਗਈ। ਮਗਰਮੱਛ ਨੇ ਫਿਰ ਸਾਡੇ ਤੇ ਹਮਲਾ ਨਹੀਂ ਕੀਤਾ।”
ਇਸ ਘਟਨਾ ਚ ਰੇਬੇਕਾ ਜ਼ਖਮੀ ਨਹੀਂ ਹੋਈ ਸੀ ਪਰ ਉਸਦੀ ਸਹੇਲੀ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ। ਇੱਕ ਨਰਸ ਨੇ ਸਥਾਨਕ ਮੀਡੀਆ ਨੂੰ ਦੱਸਿਆ ਕਿ ਲਤੋਇਆ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ।
ਉਸ ਦੇ ਪਿਤਾ ਫਾਰਚੁਰਨ ਮੁਵਾਨੀ ਨੇ ਕਿਹਾ ਕਿ ਮੈਂ ਰੱਬ ਦਾ ਸ਼ੁਕਰਗੁਜ਼ਾਰ ਹਾਂ। ਲਤੋਇਆ ਠੀਕ ਹੋ ਰਹੀ ਹੈ, ਉਸ ਦੇ ਜਲਦੀ ਹੀ ਹਸਪਤਾਲ ਤੋਂ ਘਰ ਆਉਣ ਦੀ ਉਮੀਦ ਹੈ।
.
