ਦੁਨੀਆ ਦੀ ਸਭ ਤੋਂ ਉੱਚੀ ਚੋਟੀ ਮਾਊਂਟ ਐਵਰੇਸਟ ਉੱਤੇ ਬੁੱਧਵਾਰ ਨੂੰ ਟ੍ਰੈਫ਼ਿਕ ਜਾਮ ਵਰਗੀ ਸਥਿਤੀ ਵੇਖਣ ਨੂੰ ਮਿਲੀ ਕਿਉਂਕਿ 200 ਤੋਂ ਜ਼ਿਆਦਾ ਪਰਬੱਤਰੋਹੀਆਂ ਨੇ ਪਰਬੱਤ ਦੇ ਸਿਰੇ ਉੱਤੇ ਪਹੁੰਚਣ ਦੀ ਕੋਸ਼ਿਸ਼ ਕੀਤੀ। ਮੀਡੀਆ ਵਿੱਚ ਆਈ ਇੱਕ ਖ਼ਬਰ ਵਿੱਚ ਬੁੱਧਵਾਰ ਨੂੰ ਇਹ ਦਾਅਵਾ ਕੀਤਾ ਗਿਆ।
ਹਿਮਾਲੀਅਨ ਟਾਇਮਜ਼ ਦੀ ਖ਼ਬਰ ਮੁਤਾਬਕ ਕਈ ਦੇਸ਼ਾਂ ਦੇ ਪਰਬੱਤਰੋਹੀ ਅੱਜ ਸਵੇਰੇ 4 ਵਜੇ ਕੈਂਪ ਪੁੱਜੇ ਅਤੇ ਉਨ੍ਹਾਂ ਨੇ 8,8,48 ਮੀਟਰ ਉੱਚੀ ਚੋਟੀ ਉੱਤੇ ਜਾਣ ਦੇ ਆਪਣੇ ਰਸਤੇ ਵਿੱਚ ਦੋ ਘੰਟੇ ਤੋਂ ਜ਼ਿਆਦਾ ਸਮੇਂ ਤੱਕ ਇੰਤਜ਼ਾਰ ਕਰਨ ਦੀ ਕੋਸ਼ਿਸ਼ ਕੀਤੀ।
ਅਖ਼ਬਾਰ ਮੁਤਾਬਕ ਐਵਰੇਸਟ ਬੇਸ ਕੈਂਪ ਉੱਤੇ ਸੈਰ ਸਪਾਟਾ ਮੰਤਰਾਲਾ ਵੱਲੋਂ ਤੈਨਾਤ ਸੰਪਰਕ ਅਧਿਕਾਰੀ ਗਿਆਨੇਂਦਰ ਨੇ ਕਿਹਾ ਕਿ ਜ਼ਿਆਦਾ ਉੱਚਾਈ ਉੱਤੇ ਚੜ੍ਹਾਈ ਕਰਨ ਵਾਲੇ ਗਾਇਡਾਂ ਸਣੇ 200 ਤੋਂ ਜ਼ਿਆਦਾ ਪਰਬੱਤਾਰੋਹੀ ਅੱਜ ਸਵੇਰੇ ਪਰਬੱਤ ਦੇ ਸਿਰੇ ਉੱਤੇ ਪਹੁੰਚਣ ਲਈ ਰਵਾਨਾ ਹੋਏ ਸਨ।
ਉਨ੍ਹਾਂ ਕਿਹਾ ਕਿ ਕਈ ਪਰਬੱਤਾਰੋਹੀ ਜੋ ਅਟਕ ਗਏ ਸਨ ਉਹ ਬੁੱਧਵਾਰ ਦੁਪਹਿਰ ਤੱਕ ਚੋਟੀ ਉੱਤੇ ਪਹੁੰਚ ਗਏ ਪਰ ਇਸ ਬਾਰੇ ਪੱਕੀ ਗਿਣਤੀ ਦਾ ਪਤਾ ਨਹੀਂ ਲੱਗ ਸਕਿਆ ਹੈ।
ਗਿਆਨੇਂਦਰ ਨੇ ਇਹ ਵੀ ਕਿਹਾ ਕਿ ਚੋਟੀ ਫ਼ਤਹਿ ਕਰਨ ਤੋਂ ਬਾਅਦ ਕਈ ਪਰਬੱਤਰੋਹੀ ਪਰਤ ਰਹੇ ਹਨ।
