ਅਗਲੀ ਕਹਾਣੀ

ਨਿਊਜ਼ਲੈਂਡ ਮਸਜਿਦ ਹਮਲਾ : ਦੋਸ਼ੀ ਅਦਾਲਤ 'ਚ ਪੇਸ਼, ਕਟਹਿਰੇ ’ਚ ਖੜ੍ਹਾ ਹੱਸਦਾ ਰਿਹਾ

ਨਿਊਜ਼ਲੈਂਡ ਮਸਜਿਦ ਹਮਲਾ : ਦੋਸ਼ੀ ਅਦਾਲਤ 'ਚ ਪੇਸ਼, ਕਟਹਿਰੇ ’ਚ ਖੜ੍ਹਾ ਹੱਸਦਾ ਰਿਹਾ

ਨਿਊਜਲੈਂਡ ਦੇ ਕ੍ਰਾਈਸਟਚਰਚ ਵਿਚ ਸ਼ੁੱਕਰਵਾਰ ਨੂੰ ਦੋ ਮਸਜਿਦਾਂ ਵਿਚ ਗੋਲੀਬਾਰੀ ਕਰਕੇ 49 ਲੋਕਾਂ ਨੂੰ ਮੌਤ ਦੇ ਘਾਟ ਉਤਾਰਨ ਦੇ ਦੋਸ਼ੀ ਦੱਖਣ ਪੰਥੀ ਹਮਲਾਵਰ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਆਸਟਰੇਲੀਆ ਵਿਚ ਜਨਮੇ  ਬ੍ਰੇਂਟਨ ਟੈਰੇਂਟ (28) ਹੱਥ ਵਿਚ ਹੱਥਕੜੀ ਅਤੇ ਕੈਦੀਆਂ ਵਾਲੀ ਸਫੇਦ ਰੰਗ ਦੀ ਕਮੀਜ ਪਹਿਨ ਅਦਾਲਤ ਵਿਚ ਪੇਸ਼ ਹੋਇਆ।

 

ਜੱਜ ਨੇ ਉਸਦੇ ਖਿਲਾਫ ਹੱਤਿਆ ਦੇ ਆਰੋਪ ਤੈਅ ਕੀਤੇ। ਉਸ ਉਤੇ ਹੋਰ ਵੀ ਆਰੋਪ ਲਗਾਏ ਜਾ ਸਕਦੇ ਹਨ। ਅਖਬਾਰ ਨਿਊਜੀਲੈਂਡ ਹੇਰਾਲਡ ਅਨੁਸਾਰ ਇਸ ਦੌਰਾਨ ਅਦਾਲਤ ਦੇ ਕਟਿਹਰੇ ਵਿਚ ਖੜਾ ਟੈਰੇਂਟ ਨਕਲੀ ਹਾਂਸੀ ਹੱਸ ਰਿਹਾ ਸੀ। ਅਖਬਾਰ ਨੇ ਟੈਰੇਂਟ ਦੀ ਜੇਲ ਦੇ ਕੱਪੜਿਆਂ ਵਿਚ ਹੱਥਕੜੀ ਲਗੀ ਅਤੇ ਸੁਰੱਖਿਆ ਸੁਰੱਖਿਆ ਕਰਮੀਆਂ ਨਾਲ ਘਿਰੀ ਇਕ ਫੋਟੋ ਵੀ ਪ੍ਰਕਾਸ਼ਤ ਕੀਤੀ ਹੈ।

 

ਹਮਲਾਵਰ ਪੂਰਵ ਫਿਟਨੇਯ ਪ੍ਰਸ਼ਾਸਕ ਹੈ। ਉਸਨੇ ਕਈ ਵਾਰ ਅਦਾਲਤ ਵਿਚ ਮੌਜੂਦ ਮੀਡੀਆ ਵੱਲ ਵੇਖਿਆ। ਸੁਰੱਖਿਆ ਕਾਰਨ ਦੇ ਚਲਦੇ ਸੁਣਵਾਈ ਬੰਦ ਕਮਰੇ ਵਿਚ ਹੋਈ। ਹਮਲਾਵਰ ਨੇ ਜਮਾਨਤ ਦੀ ਕੋਈ ਅਰਜੀ ਨਹੀਂ ਦਿੱਤੀ।  ਪੰਜ ਅਪ੍ਰੈਲ ਨੂੰ ਹੋਣ ਵਾਲੀ ਅਗਲੀ ਸੁਣਵਾਈ ਤੱਕ ਉਸ ਨੂੰ ਹਿਰਾਸਤ ਵਿਚ ਰੱਖਿਆ ਜਾਵੇਗਾ। ਹਮਲੇ ਵਿਚ ਜ਼ਖਮੀ ਚਾਰ ਸਾਲਾ ਬੱਚੇ ਸਮੇਤ 42 ਲੋਕਾਂ ਦਾ ਇਲਾਜ ਜਾਰੀ ਹੈ।

 

ਇਸ ਵਿਚ ਨਿਊਜ਼ਲੈਂਡ ਦੀ ਪ੍ਰਧਾਨ ਮੰਤਰੀ ਜੈਸਿੰਡਾ ਅਰਡਰਨ ਨੇ ਸ਼ਨੀਵਾਰ ਨੂੰ ਹਮਲੇ ਦੇ ਵਿਸ਼ਵ ਪੱਧਰ ਉਤੇ ਪਏ ਪ੍ਰਭਾਵ ਨੂੰ ਰੇਖਾਂਕਿਤ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਹਮਲੇ ਦੇ ਬਾਅਦ ਪਏ ਪ੍ਰਭਾਵ ਨਾਲ ਨਿਪਟਨ ਲਈ ‘ਪਾਕਿਸਤਾਨ, ਤੁਰਕੀ, ਸਊਦੀ ਅਰਬ, ਬੰਗਲਾਦੇਸ਼, ਇੰਡੋਨੇਸ਼ੀਆ ਅਤੇ ਮਲੇਸ਼ੀਆ ਦੇ ਮਹਾਂਵਣਜਿਕ ਅਧਿਕਾਰੀਆਂ ਨਾਲ ਮਿਲਕੇ ਕੰਮ ਕਰ ਰਹੀ ਹੈ।

 

ਦੇਸ਼ ਦੇ ਬੰਦੂਕ ਸਬੰਧੀ ਕਾਨੂੰਨ ਉਤੇ ਗੱਲ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਉਹ ਇਸ ਵਿਚ ਬਦਲਾਅ ਕਰਨ ਨੂੰ ਤਿਆਰ ਹੈ। ਅਰਡਰਨ ਨੇ ਕਿਹਾ ਕਿ ਹਮਲਾਵਰ ਨੇ ਨਵੰਬਰ 2017 ਵਿਚ ‘ਸ਼੍ਰੇਣੀ ਏ ਦੇ ਬੰਦੂਕ ਲਾਈਸੈਂਸ ਹਾਸਲ ਕਰਕ ਹਮਲੇ ਲਈ ਹਥਿਆਰ ਖਰੀਦਣੇ ਸ਼ੁਰੂ ਕੀਤੇ ਸਨ। ਉਨ੍ਹਾਂ ਕਿਹਾ ਕਿ ਇਹ ਕੇਵਲ ਤੱਥ ਹਨ ਕਿ ਇਸ ਵਿਅਕਤੀ ਨੇ ਬੰਦੂਕ ਲਾਈਸੈਂਸ ਹਾਸਲ ਕਰਕ ਲਿਆ ਸੀ ਅਤੇ ਉਸ ਪੱਧਰ ਤੱਕ ਦੇ ਹਥਿਆਰ ਹਾਸਲ ਕਰ ਲਿਆ ਸੀ…. ਜਾਹਿਰ ਹੈ ਮੈਨੂੰ ਲਗਦਾ ਹੈ ਕਿ ਲੋਕ ਬਦਲਾਅ ਦੀ ਮੰਗ ਕਰਨਗੇ, ਅਤੇ ਮੈਂ ਇਸ ਨੂੰ ਕਰਨ ਲਈ ਪ੍ਰਤੀਬੱਧ ਹਾਂ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:New Zealand Christchurch killing mosque attack Extremist Sent To custody with murder charge