ਪਾਕਿਸਤਾਨ ਦੇ ਪਹਿਲੇ ਸਿੱਖ ਪੁਲਿਸ ਅਧਿਕਾਰੀ ਗੁਲਾਬ ਸਿੰਘ ਸ਼ਾਹੀਨ ਨੇ ਦੋਸ਼ ਲਾਇਆ ਹੈ ਕਿ ਉਨ੍ਹਾਂ ਨਾਲ ਕਥਿਤ ਤੌਰ `ਤੇ ਕੁੱਟਮਾਰ ਕੀਤੀ ਗਈ ਅਤੇ ਉਨ੍ਹਾਂ ਨੂੰ ਜ਼ਬਰਦਸਤੀ ਉਨ੍ਹਾਂ ਦੇ ਘਰ `ਚੋਂ ਬਾਹਰ ਕੱਢ ਦਿੱਤਾ ਗਿਆ। ਉਨ੍ਹਾਂ ਦਾ ਘਰ ਡੇਰਾ ਚਾਹਲ ਵਿਖੇ ਸਥਿਤ ਹੈ ਪਰ ਸਰਕਾਰ ਉਸ ਸੰਪਤੀ ਦਾ ਵਿਵਾਦ ਚੱਲਦਾ ਆ ਰਿਹਾ ਹੈ। ਹੁਣ ਉਨ੍ਹਾਂ ਨੂੰ ਉਨ੍ਹਾਂ ਦੀ ਪਤਨੀ ਤੇ ਬੱਚਿਆਂ ਸਮੇਤ ਘਰੋਂ ਬਾਹਰ ਕੱਢ ਦਿੱਤਾ ਗਿਆ।
ਮੰਗਲਵਾਰ ਨੂੰ ਸੋਸ਼ਲ ਮੀਡੀਆ `ਤੇ ਗੱਲਬਾਤ ਕਰਦਿਆਂ ਗੁਲਾਬ ਸਿੰਘ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੂੰ ਇਵੈਕੁਈ ਟ੍ਰੱਸਟ ਪ੍ਰਾਪਰਟੀ ਬੋਰਡ ਨੇ ਘਰੋਂ-ਬੇਘਰ ਕੀਤਾ ਹੈ। ਇੱਥੇ ਇਹ ਦੱਸਣਾ ਯੋਗ ਹੋਵੇਗਾ ਕਿ ਇਹ ਬੋਰਡ ਹੀ ਪਾਕਿਸਤਾਨ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੂੰ ਵੀ ਕੰਟਰੋਲ ਕਰਦਾ ਹੈ।
ਫ਼ੇਸਬੁੱਕ `ਤੇ ਅਪਲੋਡ ਕੀਤੀ ਆਪਣੀ ਇੱਕ ਵਿਡੀਓ `ਚ ਗੁਲਾਬ ਸਿੰਘ ਨੇ ਕਿਹਾ,‘‘ਮੇਰੀ ਦਸਤਾਰ ਲਾਹ ਦਿੱਤੀ ਗਈ ਸੀ। ਪੁਲਿਸ ਅਧਿਕਾਰੀ ਮੈਨੂੰ ਘੱਟੋ-ਘੱਟ 10 ਮਿੰਟ ਤਾਂ ਹੋਰ ਉਸ ਜਗ੍ਹਾ ਰਹਿਣ ਦਿੰਦੇ, ਜਿੱਥੇ ਸਾਡਾ ਪਰਿਵਾਰ 1947 ਤੋਂ ਰਹਿੰਦਾ ਆ ਰਿਹਾ ਸੀ।``
ਇਸ ਮੁੱਦੇ `ਤੇ ਭਾਰਤੀ ਜਨਤਾ ਪਾਰਟੀ ਦੇ ਵਿਧਾਇਕ ਮਨਜਿੰਦਰ ਸਿੰਘ ਸਿਰਸਾ ਨੇ ਟਵੀਟ ਕਰਦਿਆਂ ਕਿਹਾ,‘‘ਅਸੀਂ ਸਮੂਹ ਭਾਰਤੀ ਪੂਰੀ ਤਰ੍ਹਾਂ ਗੁਲਾਬ ਸਿੰਘ ਸ਼ਾਹੀਨ ਦੇ ਨਾਲ ਹਾਂ। ਪਾਕਿਸਤਾਨ ਸਰਕਾਰ ਦਾ ਸਿੱਖਾਂ ਪ੍ਰਤੀ ਬੇਅਦਬੀ ਵਾਲਾ ਰਵੱਈਆ ਹੁਣ ਸਾਰੀਆਂ ਹੱਦਾਂ ਪਾਰ ਕਰ ਚੁੱਕਾ ਹੈ।``
पाकिस्तान के पहले सिख पुलिस गुलाब सिंह अभी भी बिना पगड़ी और चप्पल के, परिवार के साथ घर के बाहर बैठे है
— Manjinder S Sirsa (@mssirsa) July 11, 2018
गुलाब सिंह ने कहा कि पाक के गुरुद्वारों में दुनिया भर से चंदा आता है मगर इस देश में सिखों का ख़याल रखना तो दूर बल्कि उनके साथ बेअदबी की जाती है। @Paknewdelhi @SushmaSwaraj Ji pic.twitter.com/mOUpk605SI
