ਜੰਮੂ ਕਸ਼ਮੀਰ ਉਤੇ ਭਾਰਤ ਸਰਕਾਰ ਦੇ ਫੈਸਲੇ ਤੋਂ ਬਾਅਦ ਭਾਰਤ ਅਤੇ ਪਾਕਿਸਤਾਨ ਵਿਚ ਪੈਦਾ ਹੋਏ ਤਣਾਅ ਦੇ ਚਲਦਿਆਂ ਪਾਕਿਸਤਾਨ ਨੇ ਮਿਸਾਇਲ ਪ੍ਰੀਖਣ ਕੀਤਾ ਹੈ। ਪਾਕਿਸਤਾਨ ਵੱਲੋਂ ਬੈਲਿਸਟਿਕ ਮਿਸਾਇਲ ਗਜ਼ਨਵੀ ਦਾ ਪ੍ਰੀਖਣ ਕੀਤਾ ਗਿਆ। ਪਾਕਿਸਤਾਨ ਨੇ ਕਸ਼ਮੀਰ ਮੁੱਦੇ ਨੂੰ ਵਿਸ਼ਵ ਪੱਧਰ ਉਤੇ ਚੁੱਕਣ ਦੀ ਕੋਸ਼ਿਸ਼ ਕੀਤੀ, ਪ੍ਰੰਤੂ ਉਸ ਨੂੰ ਹਰ ਥਾਂ ਤੋਂ ਜਵਾਬ ਮਿਲਿਆ। ਕਸ਼ਮੀਰ ਮੁੱਦੇ ਉਤੇ ਸਮਰਥਨ ਨਾ ਮਿਲਣ ਤੋਂ ਬਾਅਦ ਪਾਕਿਸਤਾਨ ਨੇ ਮਿਸਾਇਲ ਪ੍ਰੀਖਣ ਕੀਤਾ ਹੈ।
Pakistan successfully carried out night training launch of surface to surface ballistic missile Ghaznavi, capable of delivering multiple types of warheads upto 290 KMs. CJCSC & Services Chiefs congrat team. President & PM conveyed appreciation to team & congrats to the nation. pic.twitter.com/hmoUKRPWev
— DG ISPR (@OfficialDGISPR) August 29, 2019
ਪਾਕਿ ਫੌਜ ਨੇ ਦੱਸਿਆ ਕਿ ਪਾਕਿਸਤਾਨ ਨੇ ਸਤ੍ਹਾ ਤੋਂ ਸਤ੍ਹਾਂ ਉਤੇ ਮਾਰ ਕਰਨ ਵਾਲੀ ਬੈਲਿਸਟਿਕ ਮਿਸਾਇਲ ਗਜ਼ਨਵੀ ਦਾ ਸਫਲ ਨਾਈਟ ਟ੍ਰੇਨਿੰਗ ਪ੍ਰੀਖਣ ਕੀਤਾ ਹੈ।
ਉਥੇ, ਪਾਕਿਸਤਾਨ ਨੇ ਕਰਾਚੀ ਜਹਾਜ਼ ਖੇਤਰ ਦੇ ਤਿੰਨ ਮਾਰਗ ਨੂੰ 28 ਅਗਸਤ ਤੋਂ 31 ਅਗਸਤ ਤੱਕ ਬੰਦ ਕਰ ਦਿੱਤਾ ਹੈ। ਸਿਵਲ ਹਵਾਬਾਜ਼ੀ ਅਥਾਰਿਟੀ ਨੇ ਬੁੱਧਵਾਰ ਨੂੰ ਇਸਦਾ ਐਲਾਨ ਕੀਤਾ। ਵਿਗਿਆਨ ਤੇ ਤਕਨੀਕੀ ਮੰਤਰੀ ਫਵਾਦ ਚੌਧਰੀ ਨੇ ਮੰਗਲਵਾਰ ਨੂੰ ਟਵੀਟ ਕੀਤਾ ਸੀ ਕਿ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਭਾਰਤ ਲਈ ਜਹਾਜ਼ ਖੇਤਰ ਉਤੇ ਪੂਰੀ ਪਾਬੰਦੀ ਉਤੇ ਗੌਰ ਕਰ ਰਹੇ ਹਨ।
ਪਾਬੰਦੀ ਨਾਲ ਕਰਾਚੀ ਦੇ ਉਪਰ ਤਿੰਨ ਮਾਰਗ ਦੀ ਵਰਤੋਂ ਕਰ ਰਹੀ ਅੰਤਰਰਾਸ਼ਟਰੀ ਉਡਾਨਾਂ ਉਤੇ ਅਸਰ ਪਵੇਗਾ।
