ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਪਾਕਿ ਰੁਪਿਆ ਹੁਣ ਤੱਕ ਸਭ ਤੋਂ ਹੇਠਲੇ ਪੱਧਰ ਉਤੇ ਪਹੁੰਚਿਆ

ਪਾਕਿ ਰੁਪਿਆ ਹੁਣ ਤੱਕ ਸਭ ਤੋਂ ਹੇਠਲੇ ਪੱਧਰ ਉਤੇ ਪਹੁੰਚਿਆ

ਪਾਕਿਸਤਾਨ ਆਰਥਿਕ ਮਸਲੇ ਉਤੇ ਚਾਰੇ ਚੁਫੇਰੇ ਤੋਂ ਘਿਰਦਾ ਨਜ਼ਰ ਆ ਰਿਹਾ ਹੈ। ਪਾਕਿ ਰੁਪਿਆ ਹੁਣ ਤੱਕ ਦੇ ਸਭ ਤੋਂ ਹੇਠਲੇ ਪੱਧਰ ਉਤੇ ਪਹੁੰਚ ਗਿਆ ਹੈ। ਵੀਰਵਾਰ ਨੁੰ 152.25 ਰੁਪਏ ਪ੍ਰਤੀ ਡਾਲਰ ਦੇ ਮੁਕਾਬਲੇ ਸਭ ਤੋਂ ਹੇਠਲੇ ਪੱਧਰ ਉਤੇ ਪਹੁੰਚਿਆ, ਜਦੋਂ ਕਿ ਖੁੱਲ੍ਹੇ ਬਾਜ਼ਾਰ ਵਿਚ ਮੰਗਲਵਾਰ ਨੂੰ ਇਸ ਵਿਚ 153.50 ਦੇ ਪੱਧਰ ਉਤੇ ਕਾਰੋਬਾਰ ਹੋ ਰਿਹਾ ਸੀ।

 

ਮੰਗਲਵਾਰ ਨੂੰ ਲਗਾਤਾਰ ਚੌਥੇ ਕਾਰੋਬਾਰੀ ਦਿਨ ਪਾਕਿਸਤਾਨੀ ਮੁਦਰਾ ਨੇ ਅਮਰੀਕੀ ਡਾਲਰ ਦੇ ਮੁਕਾਬਲੇ ਆਪਣੇ ਮੁੱਲ ਨੂੰ ਗੁਵਾਇਆ। ਇਨ੍ਹਾਂ ਚਾਰ ਦਿਨਾਂ ਵਿਚ ਰੁਪਏ ਨੇ ਅਮਰੀਕੀ ਡਾਲਰ ਦੇ ਮੁਕਾਬਲੇ ਸੱਤ ਫੀਸਦੀ ਜਾਂ 10 ਰੁਪਏ ਤੋਂ ਜ਼ਿਆਦਾ ਗਿਰਾਵਟ ਦਾ ਸਾਹਮਣਾ ਕੀਤਾ ਹੈ।

ਸਟੇਟ ਬੈਂਕ ਆਫ ਪਾਕਿਸਤਾਨ ਨੇ ਕਿਹਾ ਕਿ ਉਸਦੇ ਵਿਚਾਰ ਵਿਚ ਵਿਨਿਯਮ ਦਰ ਵਿਚ ਹਾਲੀਆ ਉਤਾਰ ਚੜਾਅ ਅਤੀਤ ਦੇ ਸੰਚਿਤ ਅਸੰਤੁਲਨ ਅਤੇ ਸਪਲਾਈ ਅਤੇ ਮੰਗ ਪਹਿਲੂ ਦੀ ਕੁਝ ਭੂਮਿਕਾ ਨੂੰ ਦਰਸਾਉਦਾ ਹੈ। ਕੇਂਦਰੀ ਬੈਂਕ ਨੇ ਸੋਮਵਾਰ ਨੂੰ ਜਾਰੀ ਆਪਣੇ ਨਵੀਨਤਮ ਮੌਦ੍ਰਿਕ ਨੀਤੀ ਬਿਆਨ ਵਿਚ ਕਿਹਾ ਕਿ ‘ਵਿਨਿਯਮ ਦਰ … ਪਿਛਲੇ ਕੁਝ ਦਿਨਾਂ ਵਿਚ ਦਬਾਅ ਵਿਚ ਆਈ ਹੈ।

ਉਨ੍ਹਾਂ ਕਿਹਾ ਕਿ ਬੈਂਕ ਸਥਿਤੀ ਉਤੇ ਸਖਤ ਨਿਗਰਾਨੀ ਰੱਖੇਗਾ ਅਤੇ ਉਹ ਵਿਦੇਸ਼ੀ ਮੁਦਰਾ ਬਾਜ਼ਾਰ ਵਿਚ ਕਿਸੇ ਵੀ ਤਰ੍ਹਾਂ ਦੀ ਅਨਿਯਮਤ ਅਸਥਿਰਤਾ ਨੂੰ ਦੂਰ ਕਰਨ ਲਈ ਜ਼ਰੂਰਤ ਅਨੁਸਾਰ ਉਪਾਅ ਕਰਨ ਲਈ ਤਿਆਰ ਹੈ।

 

ਬਾਜ਼ਾਰ ਦੀਆਂ ਤਾਕਤਾਂ ਨੂੰ ਵਿਨਿਯਮ ਦਰ ਦਾ ਨਿਰਧਾਰਣ ਕਰਨ ਲਈ ਜ਼ਿਆਦਾ ਛੋਟ ਦੇਣ ਦੀ ਆਗਿਆ ਸਮੇਤ ਸਖਤ ਸ਼ਰਤਾਂ ਦੇ ਤਹਿਤ ਅੰਤਰਾਸ਼ਟਰੀ ਮੁਦਰਾ ਕੋਸ (ਆਈਐਮਐਫ) ਵੱਲੋਂ ਛੇ ਅਰਬ ਡਾਲਰ ਦੀ ਮਦਦ ਪੈਕੇਜ ਦਿੱਤੇ ਜਾਣ ਦੇ ਬਾਅਦ ਰੁਪਏ ਵਿਚ ਇਹ ਗਿਰਾਵਟ ਆਈ ਹੈ। ਸਰਕਾਰ ਨੇ 12 ਮਈ ਨੂੰ ਕਰਜਾ ਪ੍ਰੋਗਰਾਮ ਉਤੇ ਦਸਤਖਤ ਕੀਤੇ ਅਤੇ ਉਦੋਂ ਤੋਂ ਅਮਰੀਕੀ ਡਾਲਰ ਦੇ ਮੁਕਾਬਲੇ ਰੁਪਏ ਦੇ ਮੁੱਲ ਵਿਚ ਗਿਰਾਵਟ ਜਾਰੀ ਹੈ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Pakistani currency falls at all time lowest level